مشتاق لك
يا سيد الحب مشتاق
ليتي معك
أو ليت زولك يجيني
الله يجمعنا بلا بعد وافراق
ولا يحول البعد
بينك وبيني
زولك يوسع خاطري
كل ما ضاق
تقفى همومي
لا لمحتك بعيني
وان غبت عني
زادت بقلبي اشواق
ما وفيك حقك
والقلم في يميني
ليلي وشوقي
بين عاشق وعشاق
قصة وهذي لهفة الشوق فين
ضايق صدري
ولا أدري وين أروح
لا صديق
لا قريب
لا حبيب
ولابه إنسان معه
اجلس أبوح
ما لقيت اللي معي
صادق نصوح
كل من القاه
القى امره غريب
وكل ما شفت الامل
بادي يلوح
صرت احس الموت
من روحي قريب
منتهي في دنيتي
مالي طموح
ضايق بي
كل ذا الكون الرحيب ......
يا قلب
أنا ابسألك بالله دوبك
هو فيه شي حاصل لك ومزعلك
يا قلب
دايم في تعاملك
كل الزعل
بخصوص ناسا حكوبك
لو عذابي
كان باتبع دروبك
وغدي على الله
هاجس دوم يشغلك
يا قلب
لو أنك تحسب ذنوبك
باذن الولي
لاغير تقضي مشاكلك
يا صاحبي
يوم القلوب يتجافــ ن
وش السبب
يا طيب الفال قل لي
الشك
والتشكيك
والهجس والظن
لا صار تقدر
تكتم الغيض وتكن
كن الغضب
يا الخاطر المسفهلي
واللي عليه ضروب الأيام يبدن
يذل لو وقته
ما هو وقت ذلي
عليه صلفات
الظروف يتصافن
والي تصافن
طاح طيحة مظلي !!!!!
ارحلي
لو يزين الوقت والا يشين
في فؤادي
وعيني هجر الأشواق حان
ارحلي
من خيالي
في زحام السنين
واتركيني
لصدمات الهوى والزمان
كان ترضين
وإلا يا عسى تزعلين
كل ما قلت:
هذا صادق الحب خان
اتحاشا خسارة
كل شيء ثمين
والله إنك زمان طاف
رمش وعين
بس ما عاد لك
في وسط قلبي مكان !!!
عسى صباحك
ياحياتي تباشير
وعسى حياتك
ياحياتي سعيده
والله أحبك
والمحبه مقادير
حبه ملكني
وصرت خاتم بايده
واليوم أنا صارت
حياتي تفاكير
أنا أفكر
ليتني طير وأطير!
وتقصر علي
كل الدروب البعيده
واسعد بشوفه
واعجبه بالتعابير
واكتب قصايد
كلها له جديده
اكتب شعوري
له بإملاء وتعبير
وانشر قصايد حبنا بالجريده
للحب في صوتي
تباريح وجروح
ويا ليتني بعد السكوت
أقدر أرتاح
سكت
وأثر الصمت
فاضح ومفضوح
لي صاحب شيد
على قلبي صروح
وأقفى وعاثت
في مبانيه الأرياح
ما طعت عذالي
ولاني بمنصوح
المزن ماغير
طعم بحر الأملاح
لو البحر يقدر
على الساحل نزوح
لا اترك شعوري
وأترك القلب وانزاح
من كثر ما احاتي
إذا جايبي يروح
كني قضيت العمر
لاجا ولا راح ..!!
نظرات عينك
والرموش سحروني
عجزت أقاوم
نظرات العين يا زين . . !
واسترسلت
من رمش عينك شجوني
ونزفت شعري
من صميم الشرايين
أرجوك حطي
صورتك في جفوني
ودي أشوفك
كل ما غمض العين
كل البشر
من نظرتك يحسدوني
ما الومهم
من شاف طرفك شكى البين
تعالي دام هموم
قلبي نسوني
بس اذكريني
لو ذكرتي ملايين . ...
الأحد فبراير 26, 2012 2:59 pm من طرف شمعة الامل
» مطلوب اراضي بوثائق
الجمعة فبراير 17, 2012 12:58 am من طرف نسيم الصباح
» صور طريق مكة الطائف
الخميس نوفمبر 24, 2011 12:31 am من طرف الشرائع
» 10 صور تم إلتقاطها من أرض الواقع ..!!
الجمعة أكتوبر 28, 2011 4:38 pm من طرف قدوم الامل
» إهتمي بشعرك وبشرتك بعطلة نهاية الأسبوع + كيف تتجنين التساقط الموسمى لشعرك خاصة في ال
الجمعة أكتوبر 28, 2011 4:29 pm من طرف قدوم الامل
» كيف تقولين لا لزوجك دون اهانة رجولته
الجمعة أكتوبر 28, 2011 4:25 pm من طرف قدوم الامل
» الشفاه الجميله سر جمال المرأه فكيف تعتني بها !!
الجمعة أكتوبر 28, 2011 4:21 pm من طرف قدوم الامل
» ألآم الدورة الشهرية
الجمعة أكتوبر 28, 2011 4:14 pm من طرف قدوم الامل
» موسوعه كامله عن زيت الزيتون
الجمعة أكتوبر 28, 2011 4:03 pm من طرف قدوم الامل